Sipas traditës, çdo seancë merkatoje sjell gjithmonë një ose më shumë negociata që zgjasin me javë e me një rezultat pak a shumë të favorshëm për klubet e interesuar.
Diçka di Milani, protagonistë edhe në të kaluarën e afërt të negociatave që zgjatën për muaj të tërë, duke u shndërruar ditë pas dite në seanca autentike torture merkatoje, me përditësime të vazhdueshme deri në epilogun përfundimtar, në disa raste zhgënjyes për tifozët dhe vetë drejtuesit.
Emblematik është rasti i Sven Botman. Ish-mbrojtësi holandez i Lille u kërkua dhe u prit prej muajsh nga Milani. Që në janar 2022 kishte pasur kontakte të drejtpërdrejta në Casa Milan midis drejtuesve të rosonerëve dhe agjentëve të lojtarit. Kontaktet që vazhduan edhe në muajt në vijim por pa një fund të lumtur, me Botman që pranoi ofertën e pasur të Newcastle.
Më mirë shkoi me De Ketelaere. Menjëherë pas fitores së Skudetos, emri i mesfushorit sulmues belg u afrua me rosonerët, të cilët atë kohë ishin protagonistët e një negociate rraskapitëse të përfunduar me Bruges në fund të korrikut. Për të blerë CDK, Milani shpenzoi mbi tridhjetë milionë, investim i cili deri më tani nuk i ka dhënë rezultatet e dëshiruara.
Milani, ish objektivi i merkatos ndryshon menjëherë skuadër
Një tjetër torturë merkatoje për Milanin ishte edhe Renato Sanches. Mesfushori portugez ishte zgjedhur nga drejtuesit e rosonerëve për të zëvendësuar Franck Kessie, i cili u transferua te Barcelona me kosto zero.
Edhe për Sanches pati javë e javë negociatash me propozime dhe kundërpropozime e madje u shkrua edhe për një vizitë të vetë futbollistit në Casa Milan për një takim me drejtuesit që mund të kishte zhbllokuar përfundimisht negociatat.
Por në fund, as për Sanches, tymi i pritshëm i bardhë nuk mbërriti. Në fakt, përfundoi te Paris Saint Germain. Vendimtare ndërhyrja e Luis Campos, i bërë drejtor sportiv i parizienëve pas eksperiencës së mëparshme te Lille, klub në të cilin kishte sjellë vetë Sanchesin nga Bayern Munich.
Përvoja në PSG, deri më tani, ka qenë vërtet zhgënjyese. Goli në debutimin me fanellën e kampionëve franceze ishte një iluzion. Në një sezon të kushtëzuar nga dëmtimet, Sanches deri më tani ka bërë gjithsej 21 paraqitje për PSG-në pa qenë kurrë i sigurt për një pozicion titullari, pavarësisht pranisë së Galtier, trajner me të cilin kishte ndarë përvojën e mëparshme në Lille.
Të pashmangshme pra, zërat për lamtumirën e tij të mundshme në fund të sezonit. Portali iberik Todofichajes raporton për një interes të fortë të Leicester ndaj Sanches, veçanërisht në rast të largimit të një prej dy lojtarëve kryesorë të Foxies, Tielemans ose Maddison. Një lajm që duhet monitoruar me kuriozitet. Nëse do të realizohej, për Sanches do të ishte eksperienca e dytë në Premierligë pas asaj me Swansea.