Fatkeqësisht, edhe në këtë fillim sezoni, Milanit iu desh të përballej me një ndalesë të rëndë të portierit të saj. Në fakt, Mike Maignan nuk luan një ndeshje zyrtare me rosonerët që nga 18 shtatori i kaluar.
Problemet me pulpë e kanë penguar të dalë në fushë. Rikthimi, pas dëmtimit të muskulit soleus, që pasoi atë të binjakut medial të të njëjtës pulpë, është përcaktuar për 2023.
Ish portieri i Lille po bën gjithçka për të djegur kohën e rikuperimit, për t’u rikthyer sa më shpejt në fushë. Nuk i ka hequr ende shpresat për të fluturuar në Katar me kombëtaren e tij. Mbrojtësi ekstrem i djajve – siç është e mundur të shihet në profilet e tij në Instagram dhe Twitter – po vazhdon rrugëtimin e tij për të rikuperuar sa më shpejt.
Magic Majk është rikthyer i ngarkuar në rrjetet sociale dhe ka dashur t’i njoftojë tifozët e tij për ditët e tij dhe rikthimin, duke postuar një foto, në mbrëmjen vonë të djeshme, në të cilën stërvitej në palestër. Imazhi përmbante edhe këtë frazë: “Ora më e errët është ajo para agimit”, një frazë në përputhje me ato të shfaqura edhe në postimet më të vjetra.