Një rezultat i pabesueshëm dhe i papritur. Primavera e Milanit, e drejtuar nga ish-kapiteni rosoner, Ignazio Abate, është ndër skuadrat më të mira U-19 në Evropë. Një objektiv i paarritur kurrë më parë.
Një udhëtim i pabesueshëm ai i Pranverës rosonere Youth League. Milani mori pjesë sepse me rregullore kopjohen grupet e tureve UEFA për të rriturit.
Pasi fitoi e pamposhtur fazën e grupeve, skuadra e Abate mundi ukrainasit e Ruhr Lviv në fazën e të tetave të finales dhe dje edhe Atletico Madridin (të stërvitur nga Fernando Torres) në çerekfinale. Tani pret për në gjysmëfinale njërën midis Borussia Dortmundit dhe Hajduk Splitit për të ëndërra të mëdha.
Primavera e Milanit është një skuadër plot me talentë, por në mënyrë të pabesueshme jokonsistente. Nëse në Evropë ia ka dalë mbanë në këtë rrugëtim të jashtëzakonshëm, në kampionat po i zhgënjen pritshmëritë (renditet në vendin e 13-të në klasifikim). Por, pavarësisht kësaj, është e qartë se ka talente të shkëlqyera në organikë, disa prej të cilëve ndoshta që tani të gatshëm për të bërë hapin e madh. Le t’i zbulojmë pra së bashku se kush janë ata.
1 – Chaka Traoré
Ndoshta talenti më i kristaltë i Primaverës rosonere. Një djalosh që në të vërtetë nuk është rritur në Milanello, por u zbulua nga një tjetër klub italian, Parma.
Me origjinë nga Bregu i Fildishtë, klasi 2004 nënshkroi për Milanin në verën e 2021. Rosonerët janë një shenjë fati: në fakt Traoré ka debutoi tashmë edhe në Serie A që dy vjet më parë, me fanellën dukale, pikërisht kundër Milanit.
Anësor shumë i shpejtë, i aftë për të luajtur si në të djathtë ashtu edhe në të majtë, ai është një nga më të mirët në skuadrën e Abates për driblime dhe për të krijuar epërsi numerike. Në Youth League deri më tani ka shënuar një gol kundër Dinamo Zagrebit në fazën e grupeve.
2 – Jan-Carl Simiç
Nuk ka asnjë lidhje me Dario Simiç, mbrojtësin e shkëlqyer kroat të Milanit të Ancelottit. Por Jan-Carl Simiç, një gjerman me origjinë ballkanike, ka treguar se është një mbrojtës shumë i mirë.
Primavera rosonere mban shpesh portën e paprekur në Evropë edhe falë lidershipit të tij. I lindur më 2005, u transferua në Milanello verën e kaluar pas një jete në akademinë e Shtutgartit.
I paprekshëm në prapavijën e rosonerëve të rinj, Simiç ka shënuar tashmë një gol në Youth League: goli i tij i parë me fanellën e Milanit kundër Chelseat për finalen 1-1 në Londër ishte vendimtar.
3 – Hugo Cuenca
Një nga goditjet më të rëndësishme në merkato, Hugo Cuenca (klas 2005) është një paraguaian me pasaportë spanjolle, i zbuluar nga skautët e zotë të talenteve rosonerë.
Talenti amerikanojugor, që kushtoi 400 mijë euro nga Capiatà, u prezantua si një përforcim me perspektivë të madhe. Te rosonerët luan si anësor i djathtë në formacionin 4-3-3, me cilësitë e tij dribluese dhe me këmbë tepër të shpejta. Një talent për t’u patur seriozisht parasysh.
Në Youth League ka bërë vetëm tre paraqitje, pasi Abate i dha kohë të përshtatej përpara se ta hidhte në fushë. Por kundër Atleticos dje ishte ndër më të mirët në fushë.
4 – Dariusz Stalmach
Polaku, i rritur te Gornik Zabrze, Dariusz Stalmach është folur gjithashtu në Milano që nga ardhja e tij verën e kaluar në ditën e fundit të merkatos. 700,000 € për këtë mesfushor sulmues, i rreshtuar shpesh si mesfushor në 4-3-3 të mister Abate.
Një futbollist klas 2005 i pajisur me fizik të mirë dhe teknikë të shkëlqyer, siç e dëshmoi goli i bukur i djeshëm ndaj Atletico Madridit, me një goditje pjatë fituese që e ndau në dysh ndeshjen.
Nuk ka shënuar shumë këtë sezon. Për nga cilësitë që ka, sigurisht që duhet t’i rrisë shifrat. Por talenti është i dukshëm e po ashtu edhe lidershipi.
5 – Victor Eletu
Mesfushori i lindur në Nigeri, po e tregon prej kohësh veten te Milani. Një mesfushor që i jep fizik dhe cilësi repartit.
Hapa të gjatë dhe teknikë të mirë për klasin 2005 me origjinë nga Lagos, të cilin Milani e mori dy vjet më parë nga klubi i vogël provincial i Cedratese. Ndër të tjera, Eletu tashmë është bërë kryefjalë edhe muaj më parë për shënimin e një goli të bukur në miqësoren kundër Lumezzanes me skuadrën e parë.
Përveç pesë talenteve të lartpërmendura me interes më të madh, edhe ndërkombëtar, skuadra Primavera e Milanit po nxjerr në pah lojtarë të shkëlqyer të cilët tashmë janë besnikë të Abate. Duke filluar me kapitenin Coubis (i cili e nisi si mbrojtës i djathtë dhe më pas u vendos si qendërmbrojtës) duke kaluar te sulmuesi dhe numri 10 El Hilali, autori i golit të 2-0 kundër Atletico Madrid. Pioli tashmë ka treguar interes të veçantë për mbrojtësit e krahut Bakoune, një shkatërrues që luajti mjaft mirë edhe dje ndaj Atletico Madridit dhe për djaloshin tjetër, Bozzolan.