Akuzat dhe kundërpërgjigjet nën muzikën e tweet-eve dhe komenteve, në rrjetet sociale, patën nisur që me shpalljen e formacioneve zyrtare. Një Milan i linjave të dyta të premten në mbrëmje kundër Empolit, për të lënë që të çlodhen paksa më të mirët në prag të 180 minutave më të rëndësishme të sezonit, atyre të Champions League kundër Napolit. Një zgjedhje kjo që ka ndarë më dysh botën rosonere.
KUNDËR
Termometri social tregon një tifozllëk të ndarë. Janë shumë ata që nuk e kanë mbështetur zgjedhjen e Piolit për t’i lënë në pankinë shigjetat e Leaos dhe rrezikshmërinë e Giroud në zonë, duke u dhënë hapësirë Origi dhe Rebiç nga minuta e parë, asnjëherë në lojë dhe të të fërshëllyer nga tribunat. Dikush, si Lorenci, kapet me rezervat dhe vetë trajnerin: “Topi nuk donte të hynte, por ndeshja tregoi edhe një herë se rezervat tona nuk janë në nivelet e duhura. Ndryshimi kaq shumë i formacionit. është rrezik dhe ndërhyrja në minutën e 75-të është ndoshta shumë vonë. Shumë pikë të hedhura poshtë, kështu është e vështirë të arrijmë në zonën Champions League”. I qartë komenti i atyre që analizojnë temën e ndryshimeve në pritje të sfidës shumë të rëndësishme me Napolin: “Teksa Spalletti i nxjerr në fushë të gjithë titullarët përveç Zielinskit, Pioli vendos të luajë me 9, me Rebic dhe Origi që nuk shihen me sy. Cila nga dy skuadrat ka fituar tashmë kampionatin dhe cilat rrezikon të mos e arrijë zonën Champions? Nuk e kuptoj…”.
ME PIOLIN
Të tjerë e mbrojnë zgjedhjen e trajnerit: “Nëse do të kishte futur Leaon dhe Giroud që në fillim, do të ankoheshim të gjithë pas së mërkurës”. Në të njëjtën linjë mendimi është Aleksi: “Po shkoj kundër rrymës, është një ndeshje që në harkun e gjithë sezonit pranohet. Loja e dominuar përtej pritshmërive dhe me qëndrimin e duhur. Empoli nuk e luajti kurrë topin deri në minutën e 81-të. Shumë turnover? Po, por nuk mendoj se kjo ishte arsyeja e barazimit”. Dhe janë shumë që i referohen mendjes: “Ndeshjet e djeshme ishin provat e fundit, tashmë do të flasë fusha”, me një referencë të qartë për eurosfidat e CHL. Rosonerët aktualisht janë të katërtët me 52 pikë, me Romën që parakaloi në tabelë pas suksesit kundër Torinos. Edhe për këtë, një pjesë e madhe e tifozëve tashmë po mendojnë për ndeshjen e së shtunës ndaj Bolonjës, një ndërmjetëse me pikë të rënda mes dy ndeshjeve çerekfinale të Champions League.