Tashmë mund të thuhet se është rikthyer, pa pikë dyshimi. Mike Maignan më në fund ka lënë pas dëmtimin e gjatë, i cili e mbajti jashtë fushave nga fundi i shtatorit deri në fund të shkurtit, dhe po, është rikuperuar e me goxha stil.
Portieri francez ka kaluar një kalvar të vërtetë me problemin muskulor, ridëmtimin në nëntor dhe dyshimet e stafit për rikthimin e tij. Milani u vu në vështirësi të mëdha nga kjo situatë e madje në janar klubi vendos të lëvizë edhe në merkato për t’u mbrojtur, me blerjen e Devis Vasquez nga Club Guaranì. Por, rikthimi i tij ishte jashtëzakonisht i rëndësishëm dhe me të në portë Djalli kishte një avantazh.
Maignan u rikthye me rastin e ndeshjes kundër Atalantës dhe luajti disa ditë më vonë në ndeshjen e dytë të të tetave të Champions League në Londër kundër Tottenhamit, duke rezultuar vendimtar. Atëherë trajneri i Francës, Didier Deschamps nuk pati asnjë mëdyshje për ta thirrur në kombëtare e ta kthente në mbrojtje të shtyllave të bluve, ku është rikthyer duke i mahnitur të gjithë. Në ndeshjen e parë kualifikuese për Euro 2024 priti një penallti nga Depay, në rezultatin 4-0, teksa ishte me Irlandën që ishte vërtet vendimtar.
Mbrojtësi ekstrem ish Lille ka qenë në fakt protagonisti i një tjetër pritjeje vendimtare në fund të ndeshjes Irlandë-Francë, duke hequr nga trekëndëshi një goditje me kokë të Nathan Collins. Më pas Dall’Equipe e emërtoi Spider Mike.
Milani është i vetëdijshëm se ka në duar një nga portierët më të fortë në qarkullim dhe dëshiron të bëjë gjithçka për ta mbajtur rosoner. Maignan mbërriti dy vera më parë për rreth 15 milionë, por vlera e tij tani është rritur në mënyrë dramatike. Transfermarkt e vlerëson në 35 milionë euro, por përshtypja është se klubi rosoner nuk do të tërhiqej as me oferta shumë më të larta.
Portieri është i lumtur në Milanello dhe nuk e ka fshehur kurrë këtë, as nga drejtuesit. Kështu, pavarësisht kontratës së klasit ’95 që skadon më 2026, Maldini dhe Massara nuk kanë ndërmend të rrezikojnë asgjë dhe duan t’i mbajnë larg sulmet e mundshme ndaj portierit të madh. Për këtë arsye janë gati ta blindojnë.
Për momentin djaloshi ka kontratë deri më 2026 dhe merr 2.8 milionë euro në sezon. Prandaj, drejtuesit rosonerë po planifikojnë të ulen në tryezë sa më shpejt të jetë e mundur për të zgjatur kohën e marrëveshjes dhe për të rritur pagën vjetore. Por përpara portierit, ka situata të tjera kontraktuale për t’u zgjidhur, duke filluar nga ajo e Rafa Leaos, e duke kaluar edhe nga Olivier Giroud.