Midis kampionatit dhe Champions League, Milani po i ndjek në fushë objektivat e tij sezonalë. I pari është ai i rrëmbimit të një prej katër vendeve të para në klasifikim. I dyti është një ëndërr – ajo Champions – nga e cila kuqezinjtë do të donin të zgjoheshin sa më vonë që të jetë e mundshme.
Në të gjitha këto, megjithatë, është edhe merkato që gjallëron ditët e Milanit, me shumë lajme dhe zëra që vazhdojnë të ndjekin pa pushim njëri-tjetrin. Drejtuesit e kuqezinjve efektivisht po lëvizin në disa fronte, duke qenë se pas pak kohe merkato do të hapë dyert dhe gjërat do të fillojnë të bëhen vërtet serioze.
Edhe sepse Milani me të vërtetë ka kaq shumë objektiva merkato që duhet t’i arrijë gjatë verës. Hipoteza dhe sugjerime shfaqen gjatë gjithë kohës. Por emri i fundit që tani po sillet nëpër Milano është ai që meriton vërtet vëmendje: një goditje e madhe surprizë nga Manchester United.
Ide e çmendur
E dimë që Maldini dhe Massara janë në kërkim të përforcimeve të rëndësishme për repartin ofensiv. Objektivat janë një sulmues i ri që mund të alternojë me Olivier Giroud por edhe një sulmues anësor që mund të rrisë nivelin dhe cilësinë në krahun e djathtë.
E nëse një nga emrat e parë në listën e merkatos Milan për anësorët mbetet padyshim ai i Nicolò Zaniolo – i përkëdheluri i Maldinit – një surprizë plot efekt mund të vijë nga Manchester United. Sipas lajmeve të fundit të publikuara nga portali i njohur spanjoll Relevo, kuqezinjtë tani po mendojnë për Mason Greenwood. Dhe kushtet për goditjen do të ishin të gjitha.
Aktualisht Greenwood është jashtë skuadre për shkak të një procesi gjyqësor të gjatë. Mirëpo, djaloshi klas 2001 është shpallur i pafajshëm dhe tani është i etur për t’i rilançuar në nivele shumë të larta. Kontrata i skadon më 2025, por ai dhe Red Devils thuhet se kanë rënë dakord të ndahen në fund të sezonit. Ende një lojtar shumë i ri me talent të jashtëzakonshëm, Greenwood është një anësor i djathtë që preferon të niset nga e djathta, por në karrierën e tij ka luajtur edhe si qendërsulmues. Një profil perfekt për Milanin, i cili mund të arrijë një goditje të vërtetë me çmim të volitshëm.