Po futemi gjithnjë e më shumë në zemrën e një finaleje sezoni që premton të jetë i zjarrtë për Milanin. Midis garës për të rihyrë rikthyer në katër vendet e para në kampionat dhe rrugëtimit në Champions League, klubi kuqezi do të luajë shumë gjatë dy muajve të ardhshëm dhe jo vetëm në fushën e blertë.
Por, ndërkaq, ka edhe nga ata që iu duhet të mendojnë për merkaton e ardhshme verore të Milanit, që do të hapë dyert menjëherë nga fundit i sezonit. Me pak fjalë, nuk ka mbetur shumë kohë. Përkundrazi, duke pasur parasysh numrin e situatave për të punuar, midis rinovimeve, shpagimeve të mundshme, shitjeve dhe blerjeve të reja, është absolutisht e drejtë dhe e nevojshme që Maldini dhe partnerët e tij të lëvizin menjëherë.
Nga ky këndvështrim, orët e fundit ka dalë një lajm i madh merkatoje nga Spanja që zbulon se cili do të ishte objektivi i ri dhe i madh i merkatos Milan për sezonin e ardhshëm: ja për kë bëhet fjalë dhe të gjitha detajet.
Ideja e fundit rosonere
Nëse qendërsulmuesi do të jetë padyshim prioriteti kryesor i merkatos së kuqezinjve për verën e ardhshme, kjo nuk do të jetë e vetmja goditje e rëndësishme për repartin e avancuar të Milanit. Përveç një qendërsulmuesi, Maldini dhe Massara do të donin t’i jepnin Piolit edhe një anësor të ri të nivelit të lartë.
Në atë pozicion, në fakt mungojnë elementë të cilësisë së lartë. Dhe, për më tepër, dy interpretuesit e vetëm me peshë të madhe (Rafael Leao dhe Brahim Diaz) nuk janë ende aspak të sigurt për qëndrimin e tyre në Milano. Por pavarësisht nga e ardhmja e dy bigëve rosonerë, do të nevojitej sidoqoftë edhe një tjetër anësor. Në shënjestër është gjithmonë i shumëpërfoluri Zaniolo, i përkëdheluri i Maldinit. Ditët e fundit ju kemi treguar edhe për Zaccagnin e Lazios. Por ideja e fundit e bujshme vjen nga Spanja.
Në fakt, sipas asaj që u raportua mediave të ndryshme iberike, Milani do t’i kishte vënë syrin Samuel Chukwueze, 23-vjeçarit nigerian të Villarrealit. Anësori po kalon një sezon shumë të mirë (13 gola dhe 11 asiste) dhe – siç raportohet nga shtypi spanjoll – ka një klauzolë çliruese me vlerë 80 milionë euro. Por kontrata në skadencë më 2024 mund të shkaktojë rënien e çmimit gjatë verës, me Milanin që thuhet se po shtyn për një skonto të madhe. E sigurt është se Chukwueze do të përfaqësonte vërtet një goditje të çmendur për rosonerët.