Milani po punon për të ndërtuar një skuadër që mund të jetë në lartësinë e ambicieve jo vetëm për të ardhmen më të largët, por edhe për atë më të afërt. Dhe është për këtë arsye që orët e fundit dëgjojmë shpesh për lëvizjet e rosonerëve në merkaton si në hyrje ashtu edhe në dalje. Edhe pse merkato, zyrtarisht është e mbyllur.
Maldini në punë, në disa fronte
Siç e kemi raportuar shpesh, Milani nuk do që të gjendet i papërgatitur. Nga këtu i ka rrënjët edhe vendimi – shumë i mundshëm – për të stabilizuar menjëherë të ardhmen e Piolit, duke pasur parasysh se e vetmja gjë që mund vërtetë ta bënte atë të lëkundet do të ishte dështimi për t’u kualifikuar në Champions League e ardhshme. Në të kundërt, Stefano do të mbetet aty ku është dhe sipas indikacioneve (edhe) të tij do të lëvizin figurat e duhura në funksion të merkatos së ardhshme.
Në këtë kuptim, duke mos folur për blerjet e mundshme, por për daljet, direkt nga Anglia vijnë lajme që ndonjë shqetësim në krye të klubit e krijojnë.
Një ofertë marramendëse për Magic Majk
Është një futbollist që ndoshta më shumë se të tjerët në dy vitet e fundit ka dhënë një kontribut të jashtëzakonshëm në rritjen e Milanit e rrjedhimisht edhe në rezultatet që rosonerët kanë sjellë në shtëpi: bëhet fjalë për Mike Maignan.
Tottenham përgatit ofertën rrëqethëse
Siç asaj që raportohet nga kolegët e CBS, Spursat po përgatisin një ofertë ulëritës për të bindur Milanin që ta shesë portierin rosoner. Vlera e tij aktuale e merkatos është rreth 40 milionë euro, por me sa duket, britanikët mund të venë në pjatë pothuajse dyfishin. Një shifër afër 70 milionë euro. Një shumë shumë e rëndësishme e cila – një herë në tryezën e Maldinit – do ta shtyjë klubin të bëjë arsyetime të detyrueshme.
A është e drejtë të shitet një lojtar kaq i fortë dhe vendimtar nëse në tryezën e ofertave është një shumë po aq e rëndësishme? Këtu nuk ka asnjë rrezik Donnarumma. Lojtari ka një kontratë me Milanin deri më 2026. Por 70 milionë euro, realisht, mund të jenë një shumë e pabesueshme. Ne, sipas mendimit tonë, e kemi bërë tashmë llogarinë. Maignan, me kalimin e viteve, mund t’i sjellë Milanit shumë më tepër se 70 milionë euro. Dhe për këtë arsye, do të ishte e drejtë të mbahej. Por ne nuk jemi klubi. Pra, nëse një ofertë e ngjashme vjen me të vërtetë, nuk duhet të bëjmë tjetër veçse të presim vendimin e klubit.