Koha kalon shpejt e, ndërsa Milani lufton në fushë për të fituar kualifikimin në Champions League e ardhshme, drejtuesit e rosonerëve fillojnë të lëvizin më konkretisht edhe për nga perspektiva e merkatos. Nuk ka edhe shumë kohë deri në fund të sezonit dhe lëvizja në kohë mund të bëjë të gjithë ndryshimin e botës.
Edhe sepse janë të shumtë lojtarët që kanë përfunduar nën sytë e Maldinit dhe Massarës. Për shembull, siç raportojnë mediat përtej detit, Milani ka dërguar një vëzhgues në Torino të enjten e kaluar për ndeshjen Juventus-Fribourg të Europa League. Objektivi ishte të shiheshin live disa lojtarë gjermanë. Në veçanti Kiliann Sildillia, mbrojtës klas 2002, i cili mund të luajë si mbrojtës i djathtë ashtu dhe si qendërmbrojtës, por dhe japonezi Ritsu Doan, një anësor sulmues klas ’98. Me pak fjalë, dy objektiva të rinj të rosonerëve. Por ka edhe më shumë.
Sipas disa lajmeve të merkatos që po qarkullojnë në orbitën Milan gjatë orëve të fundit, Maldini tani do të ishte gati të bënte një lëvizje konkrete për një nga objektivat e tij më interesante, aq sa një ofertë shumë e rëndësishme tashmë do të ishte gati.
Objektiv i çmuar
Në disa raste ju kemi treguar për objektivat e shumta të merkatos Milan për sezonin e ardhshëm. Do të jetë e nevojshme të prekët pothuajse çdo departament i skuadrës. Për disa do të mjaftojnë korrigjimet e vogla, ndërsa për të tjerët do të jetë e nevojshme të ndërhyhet në një mënyrë shumë të rëndësishme.
Vëmendje edhe treçerekfushës. Me ndryshimin e modulit, Milani tani luan me dy mesfushorë sulmues që lëvizin dhe ndryshojnë në të gjithë frontin e sulmit pas krahëve të puntës. Por të dy titullarët – Rafael Leao dhe Brahim Diaz – nuk janë aspak të sigurt për qëndrimin e tyre në Milano. Për më tepër, zëvendësuesit në atë rol janë Adli dhe De Ketelaere: i pari mund të largohet në huazim, ndërsa i dyti nuk bind aspak. Ja sepse Maldini po mendon për një goditje të re për atë zonë të fushës.
Objektivi do të ishte Lazar Samardziç i Udinezes, një xhevahir, i cili po imponohet në Serie A falë paraqitjeve të tij, pavarësisht moshës së re. Siç raportohet nga TuttoUdinese, 21-vjeçari pëlqehet shumë nga Milani, i cili do të ishte i gatshëm të shtrohet në bisedime me bardhezinjtë përmes një ofertë për në verë: 15 milionë euro plus një homolog teknik të dobishëm për uljen e kërkesave ekonomike të friulianëve. Lojtari që mund të përfundojë në marrëveshje do të ishte Daniel Maldini, një profil që mund t’i pëlqejë Udinezes.