Sot pasdite, në orën 15:00, Milani i Stefano Piolit do të zbresin në skenë në Bolonjë kundër rosobluve të Thiago Mottës. Trajneri i kuqezinjve do të nxjerrë në fushë plot dhjetë rezerva. Objektivi? Përveçse t’i bëjë titullarët të marrin frymë në kuadër të përballjes së kthimit të Champions League kundër Napolit, është që të ndërgjegjësohen linjat e dyta. Në fakt, nëse kualifikimi për në Champions League do të mbërrinte në fund të sezonit, do të duhet të jetë merita e të gjithëve. Ndërkohë, Paolo Maldini dhe Frederic Massara po hetojnë merkaton – italiane dhe ndërkombëtare – në kërkim të përforcimeve për organikën rosonere.
SHUMË PUNË PËR TË BËRË
Merkato Milan do të kalojë fillimisht nga rinovimi i kontratës së Olivier Giroud. Thuhet se gjithçka është e mbaruar për konfirmimin e sulmuesit francez për deri më 30 qershor 2024. Ai do të firmosë një kontratë vjetore, për 3.5 milionë euro neto në sezon plus bonuse, në ditët pas ndeshjes së ‘Maradona Stadium’ kundër Napolit. Në vend të kësaj, do të duhet të presim fundin e sezonit për të kuptuar të ardhmen e Rafael Leãos. Me një Milan në Champions League, mund të ketë një mënyrë më shumë për të rinovuar. Pa Champions League, çështja do të ndërlikohej dhe jo pak. Më pas Maldini dhe Massara do të duhet të punojnë shumë për të ndërtuar skuadrën për sezonin 2023-2024.
SHPAGIMET DHE BLERJET E REJA
Në fakt, para merkatos së ardhshme verore, Maldini dhe Massara do të duhet të përcaktojnë blerjet e mundshme të disa lojtarëve aktualisht te Milani të huazuar. Shance të mira konfirmimi për Aster Vranckx, për të cilin Wolfsburg do të duhet të marrë 12 milionë euro: për të ka mundësi, një rinovim i mundshëm huazimi ose një blerje me shifra më të ulëta. Djalli më pas do të donte të përqëndrohet mbi të gjitha te Brahim Diaz, por duhet të nisë një negociatë e re me Real Madridin. Sergiño Dest dhe Tiémoué Bakayoko me siguri do të largohen. Priten të paktën gjashtë blerje të reja: një qendërmbrojtës dhe një mbrojtës i majtë, një mesfushor qendror, disa elementë në treçerekfushë, një qendërsulmues.
BOMBERI I RI
Por kë do blejë Milanin në seancën e ardhshme të merkatos si qendërsulmues? Djallin po e çmend Rasmus Højlund, klasi 2003, sulmuesi danez i Atalantës. Megjithatë, ai kërkohet nga disa klube të Premier League dhe, për këtë arsye, çmimi i tij tashmë mund të jetë i paarritshëm për arkat e kuqezinjve. E njëjta gjë mund të thuhet edhe për Randal Kolo Muani, klas ’98 i Eintracht Frankfurtit, mbi të cilin është lëshuar Bayern Munich. Duke hipotezuar, për Milanin, një zgjidhje italiane, si Gianluca Scamacca, klas ’99, që nuk është gjendur shumë mirë te West Ham, nëse kushtet ekonomike do të ishin të favorshme. Megjithatë, nga ‘L’Équipe’ ka nisur të qarkullojë një zë që i bën drejtuesit rosonerë të buzëqeshin.
LAJMI
Duket, në fakt, se në merkaton e verës në korrik – gusht, Milani mund të bëjë një tentativë për Hugo Ekitike, klas 2002, qendërsulmuesin francez që Djalli do të kishte dashur ta merrte që një vit më parë, përpara së djaloshi nga Stade de Reims, ku kishte magjepsur, të fluturonte drejt PSG-së me formulën e huazimit me të drejtë blerjeje. Francezët do ta konfirmojnë, vetëm për ta shitur sërish me të njëjtën formulë duke qenë se në repartin sulmues të stëmbushur të skuadrës së Christophe Galtier, ai vërtet nuk po gjen hapësirë. Huazimi me të drejtën e 20-25 milionë dhe kuqezinjtë do të mundin të marrin në dorë xhevahirin Ekitike.