Klubi i rosonerëve do të forcohet në çdo repart merkaton e ardhshme verore. Nuk mund të thuhet ende se cili do të jetë buxheti për fushatën e ardhshme të blerjeve, e kushtëzuar pashmangshmërisht edhe nga kualifikimi për në Champions League, por tifozët presin disa goditje të një niveli të lartë.
Sigurisht milanistët presin lëvizje në repartin sulmues. Nëse Olivier Giroud është i sigurt që do ta rinovojë kontratën në skadon në qershor, shumë e ndryshme është situata në lidhje me Zlatan Ibrahimovic. 41-vjeçari suedez mund të tërhiqet ose të mos konfirmohet nëse kushtet e tij fizike nuk bindin. Një lamtumirë për të mos u përjashtuar edhe për Divock Origi, i cili deri tani ka zhgënjyer disi e që duhet të japë sinjale të rëndësishme për të fituar qëndrimin.
Merkato Milan, një qendërsulmues i talentuar
Milani muajt e fundit ka mbajtur nën vëzhgim profile të ndryshme dhe do të vendosë se për kë do të bast para përfundimit të sezonit. Paolo Maldini dhe Frederic Massara e dinë mirë se për çfarë karakteristikash ka nevojë Stefano Pioli.
Ndërmjet sulmuesve që pëlqejnë drejtuesit, njëri është Noah Okafor, 22-vjeçari zviceran që luan për Red Bull Salzburgun. Vëzhguesit rosonerë e kanë monitoruar prej kohësh dhe nuk përjashtohet një tentativë konkrete në merkaton e ardhshme verore, duke qenë se kontrata i skadon në qershor 2024 dhe për këtë arsye çmimi nuk mund të jetë shumë i lartë.
Siç shpjegohet nga Salzburger Nachrichten, vlera e Okafor është 22 milionë euro dhe Tottenham është gati ta paraqisë një ofertë. Milani dhe Interi po përgatiten poashtu për lëvizjet e tyre që të sigurojnë lojtarin, i cili tashmë ka vendosur të largohet nga Salzburgu në fund të sezonit për të provuar veten në një piacë më të rëndësishme.
Shifrat e Noah Okafor
Okafor mbërriti në Austri në janar 2020, pasi kishte koleksionuar 7 gola dhe 5 asiste në 54 paraqitje për Bazelin. Investim prej 11.2 milionë euro. Me Red Bull Salzburg ai ka realizuar 34 gola dhe 23 asiste në 108 ndeshje. Këtë sezon shifrat e tij janë 10 gola dhe 5 asiste në 30 ndeshje.
Sulmuesi zviceran mund të luajë qoftë si sulmues i parë edhe si i dytë. Është i shpejtë, i fortë fizikisht (185 cm me 85 kg), i talentuar teknikisht dhe që i pëlqen të lëvizë në frontin sulmues. Një lojtar modern që mund të jetë shumë i dobishëm për Piolin. Të shohim nëse do të jetë një nga goditjet e verës së Milanit.