5 nga 5
LAJMI
E nëse largohet Origi, raporton ‘Repubblica’, Milani tashmë do të kishte gati një zëvendësues për Piolin. Në fakt flitet për një interes konkret të Djallit për Marko Arnautoviç. Klas 1989, qendërsulmuesi austriak i Bolonjës është autor i 8 golave dhe një asisti në 18 ndeshje në Serie A dhe Kupa e Italisë këtë sezon me skuadrën e Thiago Mottas. Ish-sulmuesi i Interit ka kontratë deri më 30 qershor 2025, por do të lihet i lirë të pranojë një destinacion të ri nëse i vjen një ofertë e mirë. Milani, që në merkaton e ardhshme verore ka nevojë për një bomber të ri si buka, do të mendonte për të më shumë se një herë. Për karakteristikat, kujton Zlatan Ibrahimović. I cili, nga ana tjetër, nuk është as i sigurt për rinovimin e kontratës.