2 nga 5
SKENARË TË NDRYSHËM
Do të luajnë apo jo në Champions League e ardhshme, për Milanin do të bëjë gjithë ndryshimin e botës. Edhe në merkato po ashtu. Në fakt, duke konkurruar në kompeticionin më prestigjioz europian, do të kenë në dispozicion një buxhet shumë më të konsiderueshëm për të bërë blerje, të dhëna edhe nga ‘thesari’ prej rreth 50 milionë eurosh për të kaluar në fazën e grupeve të ‘kupës së veshëve të mëdhenj’. Për më tepër, Maldini dhe Massara do të gjenin më pak pengesa për t’i bindur lojtarët e rëndësishëm që kanë në shënjestër për të veshur fanellën e kuqezinjve. Me një Milan në Europa League apo, më keq, në Conference League, më pak para, më pak ‘fuqi negociuese’ në dispozicion dhe ridimensionim i garantuar.