Me golin e tij Barcelona fitoi tre pikë të vlefshme dhe mundi një nga rivalët kryesorë në La Liga. Dje blaugranat fituan ndaj Atletico Madridit falë një goli të tij, të rreshtuar nga Xavi në të majtë, për të kompletuar treshen sulmuese me Lewandowski dhe Raphinjën.
Megjithatë, goli kundër Colchoneros mund të jetë një nga të fundit me fanellën e Barcelonës i Ferran Torres, talentin nga Foios, i cili këtë sezon arriti në shtatë gola.
Kështu, gjatë verës, Torres mund të bëjë gati valixhet dhe të ndryshojë ajër. Sipas raportimeve të kolegëve të Fichajes.net, Milani do të ishte skuadra gati për ta rrëmbyer nga klubi katalanas, duke vënë në pjatë 30 milionë euro. Një ofertë e rëndësishme për një lojtar që sapo ka mbushur 23 vjeç, por që u ble nga Manchester City për 55 milionë.
Torres ka cilësitë për të luajtur në të gjitha rolet e treshesë sulmuese. Dhe janë shifrat ato që flasin: janë, në fakt, 15 ndeshje të luajtura si anësor i majtë, 12 si anësor i djathtë dhe 7 si qendërsulmues.
Zëvendësuesi i Brahim Diazit
Sipas portalit spanjoll, futbollisti do të ishte identifikuar nga Milani si profili i duhur për të zëvendësuar Brahim Diaz, i cili duket i destinuar të rikthehet në Spanjë.
Megjithatë, deri në këtë moment, përsa i përket numrit dhjetë të kuqezinjve, nuk ka asnjë lajm. Milani, siç dihet, është gati të ulet në negociata për blerjen e tij me Real Madridin, por do të nevojiten më shumë se 20 milionë euro për të marrë dritën jeshile nga Blancos.
Marrëdhëniet midis dy klubeve janë të shkëlqyera dhe duket shumë e qartë se në fund do të mundohen të kënaqin dëshirat e lojtarit, i cili në Milano dhe te Milani është shumë i lumtur por t’i rezistosh sharmit të Real Madridit nuk është e lehtë. Prandaj do të duhet kuptuar se çfarë projekti kanë ndërmend Blancos t’i propozojnë, pasi te Milani është padyshim një nga lojtarët më të mirë të Piolit, në një skuadër që ëndërron të arrijë në finalen e Champions League.