Samuele Ricci, klas 2001, mesfushor i Torinos së Ivan Jurić, është një objektiv i merkatos Milan për sezonin e ardhshëm. Këtë e ka zbuluar ‘Tuttosport’ sot. Për Toron, Ricci është i pashitshëm: i blerë nga Empoli për 8.5 milionë euro, klubi nën pronësinë e Urbano Cairo nuk ka ndërmend ta shesë as për 30 milionë euro.
Merkato Milan, oferta e rosonerëve për Ricci
E përditshmja torineze ka zbuluar se si Milani ka bërë tashmë përpara për Riccin, në funksion të merkatos së ardhshme verore, duke i ofruar granatës një lojtar (përshpëritet se mund të jetë Tommaso Pobega) dhe më shumë para për të marrë kartonin e tij. Ideja e Milanit do të ishte vendosja e Riccit përkrah Sandro Tonalit, për një mesfushë tërësisht italiane. Dhe Ismaël Bennacer si një mburojë të tyre për të pasur tre mesfushorë të fortë dhe teknikë.
Por mbi Riccin, duket se nuk do të ishte vetëm Milani. Është edhe Interi që dëshiron t’ia bashkangjisë Nicolò Barellas. Pastaj është Napoli, i cili, sipas ‘zërave’ të fundit të merkatos, do ta dëshironte Riccin duke dërguar në Torino para dhe kartonin e sulmuesit maroken Walid Cheddira, autor i 20 golave dhe 6 asisteve në 25 ndeshje midis Serie B dhe Kupa e Italisë deri më tani këtë sezon me fanellën e Barit, të cilin azurrët e kanë bllokuar për vitin e ardhshëm.
Por për Toron është i patransferueshëm
‘Tuttosport’ rithekson se Torino nuk po e mendon aspak një largim të Ricci në merkaton e ardhshme verore. Sidomos në rast se granata do të fitonte një vend në Evropë për 2023-2024. Sidoqoftë, Milani, Interi dhe Napoli nuk kanë ndërmend të tërhiqen dhe do të insistojnë për lojtarin edhe më tej.