Janë vërtetë shumë lajmet dhe zërat e merkatos që qarkullojnë në ambientin Milan. Disa që zgjasin prej muajsh, e të tjera që shfaqen papritur. Ajo që është e sigurt është se klubi i rosonerëve tashmë ka shumë opsione për në funksion të merkatos verore, e cila nuk është edhe aq larg tani.
As dy muaj – gjatë të cilëve Milani do të duhet të luftojë për të arritur objektivat e tij në fushë – pastaj merkato do të hapë dyert dhe do të dominojë. E dimë që rosonerët tashmë janë në kërkim të profileve të ndryshme me të cilat të mundë të përforcojnë skuadrën në dispozicion të trajnerit Pioli. Nga mesfusha në sulm, Milanit sigurisht që do të kenë nevojë për forca të freskëta. Por do të duhet të zgjidhen edhe disa çështje të mprehta.
Siç thamë, vëmendje i duhet kushtuar edhe lajmeve surprizë dhe zërave të merkatos që shfaqen papritur në orbitën Milan. Në këtë drejtim, pikërisht njëra prej tyre që gjatë këtyre orëve po kërcen nga Spanja, është një risi që është pak të thuash e bujshme e ka të bëjë me Milanin dhe Real Madridin.
Lajm i çmendur
Siç e dimë mirë, Real Madrid dhe Milan duhet të përcaktojnë të ardhmen e Brahim Diaz në harkun e dy muajve të ardhshëm. Rosonerët do të donin ta shpagonin dhe ta mbanin në Milano, por po kërkojnë një zbritje në shumën e rënë dakord me Blancos (rreth 22 milionë euro). Nga ana tjetër, merengët po mendojnë seriozisht ta rikthejnë në bazë.
Në fakt, Reali po mendon të zëvendësojë Ceballos dhe Asensio në largim me Brahim Diaz. Por ata mund edhe të vendosin të shesin përfundimisht numrin 10 të rosonerëve, përballë një oferte të rëndësishme prej rreth 25/30 milionë eurosh. Një shifër që do të ishte e paarritshme për Milanin, por jo për shembull për Arsenalin, që po e ndjek lojtarin. Por gjatë këtyre orëve nga Madridi ka mbërritur një tjetër lajm i çmendur i cili zbulon një skenar të ri të bujshëm.
Siç raporton media e njohur madrilene Cadena SER, Real Madridi do të ishte gati për një propozim të paturpshëm. Domethënë, duke kërkuar Rafael Leao në këmbim të Brahim Diaz si homolog. Edhe duke e marrë këtë ide si absolutisht të besueshme nga Reali dhe duke imagjinuar një shtesë thelbësore ekonomike nga klubi spanjoll, ndihemi rehat të themi se kjo hipotezë merkatoje është absolutisht e pamundur për Milanin. Është një çmenduri e pastër të mendosh që rosonerët të japin Leaon për të blerë një lojtar tjetër, edhe pse të rëndësishëm. Me pak fjalë, një lajm pa kuptim, të paktën në mendjen e Milanit.