Situata e merkatos Milan në analizën tonë të zakonshme të lajmeve mbi merkaton rosonere: të gjitha të rejat më të fundit nga merkato më e madh në casa Milan
Janë ditë shumë të nxehta këto anëve të Milanellos e mbi të gjitha nëpër dhomat sekrete të Casa Milan, ku drejtuesit rosonerë po planifikojnë tashmë lëvizjet e rradhës në merkato. Lajmet e forta që kanë qarkulluar orët e fundit në fakt e konfirmojnë se ka vërtet shumë fermentim në merkato.
Për të vënë paksa rregull të gjitha këto lajme të forta, ne ju ofrojmë analizën tonë të zakonshme mbi merkaton rosonere ku kemi bashkangjitur të gjitha lajmet më të fundit e më të rëndësishme dhe, padiskutim, ato më të fortat. Nga disa goditje të mëdha të mundshme në blerje tek çështja Rafael Leaos, shumë lajme flash në merkaton Milan për t’i shfletuar shpejt njëri pas tjetrit: prandaj, le t’ia të fillojmë menjëherë nga lajmi i parë.
Kessie i ri
Një nga objektivat kryesore për verën e ardhshme është padyshim një mesfushor me këmbë dhe sasi që të mbushë më në fund hapësirën e lënë bosh nga Franck Kessie. Një lojtar i shpejtë por edhe i ndërhyrjeve sulmuese, padyshim pa lënë pas dore cilësinë.
Sugjerimi i fundit nga ky këndvështrim përfaqësohet nga Tyler Adams, mesfushori “box to box” klas ’99 i Leeds United. Në Angli, amerikani është afruar shumë me Milanin: vlera e tij në merkato i kalon 20 milionë eurot, por në rast të rënies së Leeds në Championship, çmimi i Adams mund të bjerë dhe për këtë arsye përbën një mundësi joshëse në merkato.
Objektivat nga Seria A
Gjithashtu edhe një sy në treçerekfushën rosonere. Në këtë pozicion në fushë, në fakt mund të mbërrinin disa lajme të një rëndësie të madhe. Mirëpo shumë do të varet nga e ardhmja e Brahim Diaz, ende shumë në pikëpyetje. Real Madridi kërkon shumë para për spanjollin (22 milionë e lart). Shifër që Milani vështirë se do t’i paguajë për klasin ’99. Kjo është edhe arsyeja pse Maldini me sa duket po kërkon rreth e qark për të tjerë mesfushorë sulmues cilësorë.
Sytë e drejtuesit rosoner do të kishin ngecur në veçanti tek dy talente të Serie A. I pari është Lazar Samardziç i Udinezes. 21-vjeçari pëlqehet shumë nga Milani, por edhe në këtë rast kostot do të ishin të larta: biankonerët do të kërkonin të paktën 25 milionë euro. Ndërkohë që rruga që të çon te Tommaso Baldanzi i Empolit është më e realizueshme: 20 vjeç, italiane dhe mbi të gjitha çmim më i ulët.
Shumë largohen, vetëm një i sigurtë
Në verë do të ketë shumë lajme edhe në lidhje me merkaton Milanit që ka të bëjë me largimet. Shumë lojtarë janë në ekuilibër dhe shumë mund t’i thonë lamtumirë Milanit përgjithmonë. Lista e lojtarëve në rrezik te rosonerët është vërtet shumë e gjatë, por ndër ta vetëm një është i sigurtë.
Po flasim për Tommaso Pobega, i cili ka fituar besimin dhe vlerësimin e të gjithë ambjentit rosoner me paraqitjet e tij dhe mbi të gjitha me një qëndrim gjithmonë shumë pozitiv. I vënë nga dikush mes lojtarëve në dyshim, djaloshi 23-vjeçar do të rikonfirmohet absolutisht edhe për sezonin e ardhshëm.
Në pritje të Milanit
Duke u rikthyer të flasim për merkaton në hyrje, një sy edhe për krahun e djathtë sulmues. Në fakt, në atë pozicion nuk ka asnjë titullar të vërtetë, një shumë titullar siç është në anën tjetër Rafael Leao. Në të djathtë sot alternohen, Brahim Diaz (gjithnjë në pikëpyetje), Junior Messias dhe Alexis Saelemaekers. Dhe Maldini do të donte të ngrinte stekën edhe në atë anë.
Ëndrra e drejtorit rosoner është gjithmonë Nicolò Zaniolo. Maldini e thirri janarin e kaluar për të përsëritur interesimin e tij për të edhe në të ardhmen. Vetë ish Roma do të dëshironte të rikthehej në Itali dhe do të bëhej copash që të transferohej te Milani. Aq sa, siç konfirmohet edhe nga Gazzetta dello Sport, Zaniolo do të priste sinjale të reja nga rosonerët në prag të verës. Një pistë ende absolutisht e hapur dhe për t’u mbajtur seriozisht nën vëzhgim.
Kontakte të konfirmuara
Në orët e fundit në ambientet rosonere ka qarkulluar emri i Kyle Walker, mbrojtësit të djathtë klas 1990 në largim nga Manchester City. Një profil i cilësisë dhe përvojës më të lartë, që efektivisht mund të jetë shumë i dobishëm për Milanin për të rritur rëndësinë ndërkombëtare të skuadrës në dispozicion të mister Piolit. Gazetari i njohur Carlo Pellegatti ka dhënë edhe disa përditësime të rëndësishme në kanalin e tij YouTube.
Ja çfarë është zbuluar nga kolegu: “Kam bërë disa verifikime dhe mund të konfirmoj se vërtetë ka pasur kontakte midis Milanit dhe Walkerit. Mendoj se agjenti i tij ia ka ofroi klubit rosoner. Nuk e di nëse Milani është i interesuar, por kontaktet i konfirmoj”. Por lajmi i vërtetë i madh i merkatos, zbuluar nga Pellegatti – të cilin do ta shohim më poshtë – ka të bëjë me një goditje të mundshme nga PSG.
Ideja nga Parisi
Milani është gjithmonë në kërkim të sulmuesve të rinj për sezonin e ardhshëm dhe njëri prej tyre mund të vijë nga Paris Saint-Germain. Në këtë drejtim, Pellegatti ka zbuluar: “Ka një zë që do të doja t’jua sinjalizoja mbi Hugo Ekitike. Një lojtar i kërkuar edhe në të kaluarën nga Milani. Por tani gjërat do të kishin ndryshuar dhe do të kishte disa lajme të rëndësishme”.
“PSG do ta shpagojë atë nga Reims dhe më pas do të synojë ta huazojë dhe mund t’ia japë Milanit. Kështu vitin e ardhshëm rosonerët në sulm mund të kenë 3 lojtarë: një premtim (Ekitike), një siguri (një tjetër qendërsulmues për të blerë) dhe veteranin. (Giroud) Huazimi do të ishte një mundësi: merret një lojtar i ri, vlerësohet se si performon te Milani dhe më pas vendoset”.
Bomba Leao
Telenovela e merkatos mbi të ardhmen e Rafael Leaos vazhdon të mbajë situatën pezull në casa Milan, por të mbajë pezull edhe të gjithë tifozët rosonerë. Siç ju kemi përsëritur prej disa kohësh, optimizmi është në rritje, me drejtuesit milanistë që besojnë se më në fund mund të mbërrihet te tymi i bardhë i shumëpritur. Dhe në këto orë ka mbërritur një tjetër lajm shumë i fortë në këtë drejtim.
Në fakt, sipas asaj që raportohet nga Gazzetta dello Sport, Leao do të kishte refuzuar madje edhe ofertat e Chelsea dhe Real Madrid. Një lëvizje e bujshme e sulmuesit portugez, i cili ka synimin shumë të vendosur për të qëndruar me rosonerët. Duhet të zgjidhen ende, po, çështjet në lidhje me gjobën që do t’i paguhet Sporting Lisbonës dhe firmës, por vullneti i qartë i Leaos sigurisht që do të ketë një peshë specifike të madhe në rezultatin e negociatave.