Për të festuar një ditë historike, Pioli e nisi nga larg, dhe gjithmonë nga shiu. Tetor 2020, Rio Ave-Milan, seri e pafund penalltish: “Gjithçka nisi aty. Nga ajo ndeshje. Stërvis një grup me zemër kaq të madhe”. Që sot feston një gjysmëfinale të Champions League pas 16 vitesh pritje. E fundit ishte kundër Manchester United, tani – ndoshta – kundër Interit të Inzaghit: “Kështu duket, të shohim nesër. Do të ishin dy përplasje stimuluese, shumë të vështira. Dhe tani më lejoni t’ju them: kualifikimi është i merituar”.
SAKRIFICË
Passwordi: sakrificë. Diaz ka bërë anësorin e lartë dhe mbrojtësin e krahut, duke dalë përballë Kvara dhe duke e izoluar në lojërat e tij. E njëjta gjë edhe Messias, i cili zbriti në fushë në fillimin e pjesës së dytë: “Na ndihmoi 1-0 e ndeshjes së parë. Zgjodhëm të mos i lejonim hapësirë Osimhenit, në pjesën e dytë ndoshta duhet të duhet të kishim dribluar më mirë, por mjafton me kaq. Nëse do më duhej të përdorja një term për djemtë e mi do të thosha sakrificë. Kishim besim te shokët dhe në mënyrën tonë të lojës. Jemi të lumtur për tifozët që na kanë mbështetur gjithmonë. Është nder të kemi tifozë si ata”.
KRUNIÇ
Fjalë lavdëruese për Kruniçin: “Nuk ka gabuar në asgjë. E lexoi lojën si pak të tjerë. Është shumë i rëndësishëm dhe tani jam i lumtur që të gjithë e vënë re. Është një lojtar i nivelit të lartë. Të mund të luash për Milanin është një hap i madh dhe duhet durim”. Që ka patur.