Me pauzën e kampionatit për shkak të kombëtarëve që po vazhdon, ky është një moment reflektimi për klubet e ndryshme që duan të planifikojnë për të ardhmen dhe lëvizjet e tyre të ardhshme të merkatos, me Milanin që nuk bën përjashtim nga ky këndvështrim. Në fakt, klubi rosoner ka shumë çështje për të trajtuar dhe zgjidhur.
Nga rinovimi i Rafael Leaos tek e ardhmja e pasigurt e shumë lojtarëve të tjerë rosonerë (në radhë të parë Brahim Diaz), e deri te transferimet e mundshme dhe padyshim goditjet e reja të merkatos. Të gjitha situatat që kërkojnë kohë dhe përpjekje. Prandaj, është thelbësore të niset menjëherë puna, për të shpejtuar kohët dhe për të mos u kapur të papërgatitur kur merkato verore të hapë dyert. Edhe sepse kësaj here Milani nuk mund të gabojë më.
Kështu, orët e fundit, një lajm shumë i rëndësishëm për Milanin u zbulua nga eksperti i njohur i merkatos Alfredo Pedullà, i cili drejtpërdrejt në TV Sportitalia hodhi një bombë të vërtetë: ja çfarë raportoi gazetari.
Lajmi i fortë
Duke folur konkretisht për situatën e Milanit nga perspektiva verore gjatë programit Sportitalia Mercato, Pedullà theksoi: “Nëse rosonerët do të arrijnë të sigurojnë vendin për në Champions League, ata do të duhet të bëjnë një investim të madh në merkato. Por nuk mendoj se sulmuesi me 20 gola në sezon, që i duhet Milanit, mund të jetë Morata”. Për gazetarin, goditja e madhe në mendjen e drejtuesve të rosonerëve do të ishte një tjetër.
Pra, jo sulmuesit spanjoll për të përforcuar sulmin. Por, sipas ekspertit të merkatos, në krye të listës së dëshirave të Maldinit dhe Massarës do të ishte një tjetër emër. Jo një sulmues. Por gjithsesi një objektiv që Milani e ka ëndërruar tashmë prej shumë kohësh dhe që mund të rikthehet fuqishëm në modë në funksion të seancës së ardhshme të merkatos rosonere.
“Sipas meje është Zaniolo prioriteti për Milanin”, zbuloi Pedullà. I cili më pas shpjegoi: “Kur Zaniolo thotë se nuk do të qëndrojë në Turqi për pesë vjet, unë them se mund të shkurtojmë edhe kohën. Ish verdhekuqi mund të rikthehet sërish në Itali verën e ardhshme. Klauzola prej 35 milionë në kontratën e tij është e negociueshme. Besoj se për 25/30 milionë Zaniolon mund të merret”. Ndaj, në rast kualifikimi për në Champions League, Milani mund të përpiqet vërtet ta rikthejë Nicolò Zaniolon në Serie A.