Ne nuk jemi ende atje ku duhet dhe kush e di nëse do të jemi ndonjëherë! Divock Origi ka treguar edhe një herë një natë të stërmadhe të hidhur mbrëmë në San Siro, në ndeshjen e 28-të të Serie A ndërmjet Milanit dhe Empolit. Stefano Pioli deshi t’i jepte besim dhe një shans të rëndësishëm duke i dhuruar vendin e titullarit, por ai edhe një herë e humbi takimin me sukses. Nuk mungoi vetëm goli, por edhe e gjithë paraqitja e tij. Sulmuesi belg nuk u gjend kurrë gati nga shokët, duke bërë edhe ndonjë gabim të rëndë.
Origi, fërshëllen San Siro
Tepër delikatesë në zonë për Origi, të cilit i mungon vendosmëria dhe mprehtësia për të dëmtuar kundërshtarët. Pra, një tjetër mundësi e humbur për Divock, që në momentin e ndryshimit (i zëvendësuar nga Giroud) u mbulua nga fërshëllimat e San Siros. Tifozët edhe një herë u hidhëruan nga kontributi skarco i sulmuesit, i ardhur në verë me kosto zero midis pritshmërive shumë të mëdha. Ish Liverpooli, nëse do të vazhdojë kështu, duket i destinuar të shitet në merkaton verore.