Rikthimi i Zlatan Ibrahimoviçit në kombëtare nuk dukej aq pozitiv. Sigurisht, entuziazmi i tifozëve suedezë për ta parë kampionin me fanellën verdheblu është sigurisht i lartë.
Por për të, pas 17 minutave pak të dobishme ndaj Belgjikës në humbjen 3-0 në shtëpi, lindi një tjetër problem. Një dëmtim muskulor që i shqetësoi të gjithë.
“Ibrahimoviç? Duhet ta vlerësojmë, është një pikëpyetje” – tha Janne Andersson, trajneri i Suedisë, i cili theksoi se kushtet e qendërsulmuesit 41-vjeçar nuk janë më të mirat. Pjesërisht për ndalimin e gjatë pas operacionit në gju, pjesërisht për problemin e pësuar së fundmi.
Milan, psherëtima lehtësimi: asgjë serioze për Ibrahimoviç
Milani padyshim u vu në ankth për shkak të lajmeve nga Suedia. Një tjetër ndalesë për Ibrahimoviçin do të pritej keq nga Stefano Pioli, i cili vetëm së fundmi e ka patur në dispozicion liderin dhe veteranin e tij.
Por informacionet e fundit që vijnë nga grumbullimi i suedezëve duken më pozitive sesa priteshin. Gazetari Luca Bianchin i Gazzetta dello Sport i ka përditësuar të gjithë me një lajm të shkëlqyer.
Asgjë serioze për Ibrahimoviç. Dëmtimi që pësoi gjatë stërvitjes në Suedi duket se është vetëm një bezdi e vogël muskulare, asgjë që një luftëtar si Zlatan nuk mund ta zgjidhë brenda pak ditësh.
Vështirë që Ibra të zbresë në fushë sot kundër Azerbajxhanit, në ndeshjen e dytë për kualifikueset e Europianit. Por duke pasur parasysh seriozitetin e ulët të dëmtimit, Pioli llogarit që ta ketë në dispozicion për të dielën, kur Milani do të përballet me Napolin në një ndeshje që është pak për të thënë vendimtare në garën Champions.