Menjëherë pas përfundimit të Milan-Salernitana është transmetuar programi “Bobo TV” i Christian Vierit. Gjatë transmetimit, Antonio Cassano kritikoi Piolin mbi të gjitha për mungesën e ideve gjatë ndeshjes, të barazuar nga rosonerët.
E nisi duke krahasuar ndalesën e Milanit me atë të Interit të premten, kundër Spezias (që u mund 2-1): “Për mendimin tim, nga të gjitha këndvështrimet, sonte ndeshja e Milanit është e ndryshme nga ajo e Interit. Mbi të gjitha sepse për të 90 minuta bëri shumë, shumë, shumë keq. Sa herë që Salernitana rinisej mund të bënte gol. Pjesa e parë bëri gjëra marramendëse në prapavijë, Maignan bëri një mrekulli si një mbrojtës i vërtetë… Milani ishte shumë konfuz dhe nuk më pëlqeu aspak”.
Pastaj, kritika indirekte e Cassanos ndaj Piolit: “Vinin gjithmonë sekonda pas topit, pa organizim loje. 20 minutat e fundit e pa se çfarë bënë? E hidhnin topin ‘in the box’, siç bënë anglezët njëzet vjet më parë. Nuk më pëlqeu fare kjo gjë, absolutisht. Salernitana nga ana tjetër më pëlqeu shumë sepse zhvillonin lojëra”.
Pastaj, vazhdoi: “Rastet e qarta të Milanit lindën një herë nga zgjuarsia e Ibrës, por që Origi nuk arriti të shënonte me gjoks dhe më pas një tjetër top u hodh brenda me Kalulu që e shpëtoi në vijë. Milani nuk kishte asnjë ide, nuk kishte asgjë. Nuk do të doja që ndeshja e së mërkurës në nivel fizikisht dhe mendor të jetë ndjerë shumë”.