Ishte ndër lojtarët që krijoi më shumë keqardhje në popullin rosoner, në fund të ndeshjes kundër Empolit. Brahim Diaz po kalon një moment të artë dhe tifozët milanistë, pasi e panë madhështore veprën në Maradona Stadium, po fërkojnë duart në pritje të ndeshjes së parë të Champions League me Napolin. Po ai? Beh, ai po shijon momentin: “Kur isha i vogël ishte e pabesueshme tek shikoja një ndeshje Champions League – ka rrëfyer për Starcasino-. Tani mund ta luaj vetë. Dhe ta bësh në një klub historik si Milani është shumë bukur. A jam një lojtar Championsi? Po, luaj për Milanin. Të gjithë jemi lojtarë Championsi dhe është për këtë pse jemi ndër tetë më të mirët në Evropë. E kemi merituar të ishim këtu: vitin e kaluar fituam Skudeton dhe këtë vit jemi ndër më të fortët në Evropë”.
Më pas, për rëndësinë e Milanit: “I ka përmirësuar karakteristikat e mia. Jam rritur kaq shumë këtu dhe duhet ende të rritem. Nëse më duhet të zgjedh një nga golat e mi, them atë kundër Juventusit, shumë i bukur. Por kush shënon, shënon. Unë dua thjesht të ndihmoj skuadrën të fitojë. Napoli? Teknikisht janë të fortë, por edhe ne. Është i rëndësishëm fakti që njihemi, është e ekuilibruar si ndeshje. Një cilësi për t’i vënë në telashe? Ka shumë. Njëra është kontrolli i topit gjatë ndeshjes sepse nuk janë mësuar të jenë pa të”.